2025.12.14 НЯМ ГАРАГ | БИЛГИЙН ТООЛЛЫН 25 | ӨВЛИЙН ЭХЭН УЛААГЧИН ГАХАЙ САР | НАЙМАН ЦАГААН МЭНГЭТЭЙ УЛААГЧИН МОГОЙ ӨДӨР
Аргын тооллын: 2025.12.14 НЯМ ГАРАГ
Наран ургах шингэх: 08.34-17.00
Билгийн өдөр, гараг
ШИНИЙН ХОРИН ТАВАНД ЗАМД ГАРАХ, ХӨРӨНГӨ ТАВИХ, ҮХЭГСДИЙН ҮЙЛ, ХУДАЛДАА, АРИЛЖААНД САЙН.
БООЛЫГ ШҮТҮҮЛЭХ, ИХЭТГЭХИЙГ ТЭВЧ.
Үс засуулбал НҮД БҮРЭЛЗЭН УЛЦАЙНА.
Одны тохиол
Хүчин төгсөх: бурхан тахих, хутаг буй болгох, өлзий буяны үйл үйлдэх, номын үйлийг эхлэл гүйцээх, сүм дуган нээх, амирлангуй, дэлгэрэнгүй эрхшээх үйл, хэрэг зарга хийхэд сайн.
Шүтээн барилдлага
Нэр дүрс өдөр-үйл буруутгах, ламд золгох зэрэг цагаан зүгийн үйлэнд сайн. Энд төрсөн хүн билэг бага, биеийн илч өчүүхэн, олон хөвгүүн үл тогтон дорогш асрагч, баатар болоод их омогт болох, өвдвөл 3 ба 5 хоногт эдгэнэ. Мөрд орвол саднаас хагацах, гаслан болох, хулгайч 2 хүний нэгний нь үс цагаан, муу царайтай, алдсан юм 21 хоногоос олдоно.
Баруун нүд татвал холын сураг сонсох, зүүн нь татвал эд олдох, баруун чих хангинавал ундаа олдох, зүүн чих хангинавал түлэгдэх. Нохой уливал үхсний сураг сонсох. Хэрээ дуугарвал нөхөртэй учрах, тагнай загатнавал хувцас олдох. Бие татвал эцэг, эхэд муу. Хөл татвал хэрүүл, тэмцэл гарах муу ёр болой.