ДЭМБ-аас 12 болон түүнээс дээш насныханд Пфайзерийн вакцин хийхийг зөвлөж байсан бол Баасан гарагт хийсэн вакцины үнэлгээний хурлаар 5-11 насныханд тус вакциныг хийхийг зөвлөжээ.

Тэгвэл Францад 1-р сарын 24-ний өдрөөс эхлэн вакцины үнэмлэхний журам мөрдөж эхэлнэ. Вакцины үнэмлэхийг олон нийтийн газар, нийтийн тээврээр үйлчлүүлэхдээ заавал үзүүлж байх ёстой болж байгаа юм. 

Австри улс цар тахлын халдварын дэгдэлттэй холбоотойгоор улсынхаа иргэдийг коронавирусний эсрэг вакциндаа идэвхтэй хамрагдахад уриалж байна. Австрийн Үндэсний зөвлөл олонхийн саналаар улсынхаа иргэдийг ковидын эсрэг вакцинд зайлшгүй хамрагдах шаардлага бүхий хууль дэмжин баталлаа.