4 сарын 30-ны Баасан гарагт Дэлхийн эрүүл мэндийн байгууллага Модерна компанийн Ковид-19 вакциныг яаралтай хэрэглээний жагсаалтад орууллаа.
АНУ-ын энэ вакцин нь ДЭМБ-аас яаралтай жагсаалтад оруулсан тав дахь нь болж байна.
АНУ-ын Хүнс, Эмийн захиргаанаас "Модерна" вакциныг өнгөрсөн оны 12 сарын 18-нд яаралтай үед хэрэглэх албан ёсны зөвшөөрөл гаргасан, харин Европын эмийн агентлаг энэ оны 1 сарын 6-нд Европын холбоонд маркетингийн зөвшөөрөл олгосон юм.
ДЭМБ-ын мэдээлэлд дурдснаар Дархлаажуулалтын Стратегийн зөвлөх мэргэжилтнүүдийн групп нь Модерна вакцин нь 94.1 хувийн үр дүнтэй гэж дүгнэсэн байна.
ДЭМБ-аас баталгаажуулсан бусад дөрвөн вакцин нь Файзер-Бионтек, АстраЗенека, Энэтхэгийн Серум институт болон Жанссен юм.
Модерна компани Пүрэв гарагт 2022 онд 3 тэрбум тун вакциныг үйлдвэрлэнэ, мөн Европ, АНУ-д үйлдвэрлэх хангамжийг дээшлүүлнэ гэжээ.
Эх сурвалж: CNA