Шотландад энэ сарын 6-нд парламентын сонгууль болно. Их Британийн Нэгдсэн вант улсын газар нутагт багтдаг Шотландад удахгүй болох парламентын сонгуульдаа бэлтгэж байна.
Британийн бүс нутгийн бие даасан статус бүхий бүс нутагт улс төрийн гол сонгууль энэ пүрэв гарагт болно. Энэ удаагийн сонгуулиар Шотландын иргэд улс төрийн чухал сонголт хийх учиртай юм. Их Британи улс ЕХ-ноос гарсны дараа болж байгаа парламентын сонгуулиар Шотландын иргэд цаашид Нэгдсэн вант улсын бүрэлдэхүүнд хэвээр үлдэх үү, эсвэл тусгаар тогтнох асуудлыг сөхөх үү гэдэг дээр сонголтоо хийх бодолтой байна. Хэдийгээр Шотландын иргэд энэ мэтчилэн улс төрийн асуудлаар хоёр хуваагдаад байгаа ч цар тахлын хүнд хэцүү нөхцөл байдалд эв нэгдлээ сахин хамгаалж, цар тахлын дараах эдийн засгийн хүндрэлийг нэгдмэл байдлаар даван туулах нь зүйтэй гэсэн байр суурь давамгайлж байна.