Израилийн Зүүн Иерусалим хотноо энэ улсын хэт үндсэрхэг үзэлтнүүд улсынхаа далбааг барин жагсаал хийжээ. Израильчууд ийнхүү улсынхаа туг далбааг барин олныг хамарсан жагсаал хийснийг Палестинчууд өдөөн хатгалга гэж үзсэн байна.

Мьянмарт энэ улсын Ардчилсан  намын удирдагч, Нобелийн Энхтайвны шагналт, улс төрч, нийгмийн идэвхтэн Аун Сан Сунжигийн эсрэг шүүх үйл явц эхэлжээ. 75 настай хатагтай Аун Сан Сунжигийн эсрэг шүүхээс хэд хэдэн зүйл анги хэргээр буруутгаж байгаагийн дотор улс орондоо олныг хамарсан эмх замбараагүй байдалд өдөөн хатгасан, төрийн өндөр албан тушаалаа урвуулан ашигласан, авлига хээл хахуулийн хэрэгт орооцолдсон гэх зэрэг хэргээр ял асууж байгаа юм. 

БНАСАУ-д өлсгөлөн нүүрлэж болзошгүй... Энэ талаар Пхеньян хотноо ажлаа эхэлсэн эрх баригч Хөдөлмөрийн намын бага хурлын үеэр Умард Солонгосын тэргүүн Ким Жон Ун мэдэгдсэн байна. Японы NHK телевизийн мэдээлснээр Умард Солонгосын Хөдөлмөрийн намын Төв хорооны үзэж байгаагаар хүн амыг хоол хүнсээр хангах үйл явц хүндрэл бэрхшээлтэй тулгарч байгаа гэнэ.