Япон улс Дэлхийн 2-р дайн өндөрлөсний 76 жилийн ойг тэмдэглэлээ. 1945 оны 8-р сарын 15-нд Японы эзэн хаан Сёва улсынхаа ард иргэдэд хандан радиогоор мэдэгдэл хийж, Империализмын Япон улс Дэлхийн 2-р дайнд ялагдал хүлээж, үг дуугүй бууж өгч байгаа талаар мэдэгдсэн юм. 

БНЭУ тусгаар тогтнолоо олж авсны 75 жилийн ойгоо ёслол төгөлдөр тэмдэглэлээ. Энэтхэгийн ард түмэн энэ өдөр улс орныхоо тусгаар тогтнолын төлөө амь бие хайрлалгүй тэмцэж явсан баатарлаг үйлстнүүдээ нэхэн дурсч, цаашид эх орныхоо эв нэгдэл, тусгаар байдлыг сахин хамгаалах болно гэдгээ илэрхийлсэн байна.

Одоогоос жилийн өмнө Сирийн Идлиб мужийн дүрвэгсдийн хуаранд гарсан хүчтэй гал түймрийн үеэр азаар амьд мэнд үлдсэн бяцхан охин эргээд гэр бүлтэйгээ нэгджээ. Хагас жилийн өмнө бяцхан Далал болон түүний эцэгт Турк улс орогнол үзүүлэн, эмчилгээ сувилгаа хийж охиныг хөл дээр нь босгон, эрүүл саруул болгожээ.