АНУ нь Афганистанаас сүүлчийн цэргүүдээ татан авч дуусахад долоо хоног хүрэхгүй хугацаа үлдсэн байна. Сүүлийн 24 цагт гэхэд 19 мянган Америк иргэд болон эх орноо орхихыг хүссэн Афганичуудыг нүүлгэн шилжүүлжээ.

Австрали улс Афганистанаас өөрийн орны иргэд, цэргийн албан хаагчдыг нүүлгэн шилжүүлэх ажиллагаа явуулж байна. Австралийн цэргийн онгоц Кабул хотын нисэх буудлаас хөөрч, Ойрхи Дорнодын бүс нутаг дахь Австралийн цэргийн бааз төвлөрч байгаа Арабын Нэгдсэн Эмират дахь бааздаа нүүлгэн шилжүүлэлтэд хамрагдсан иргэдийг буулгажээ.

Япон улс Афганистанаас өөрийн орны иргэд, Кабул дахь Японы ЭСЯ-ны ажилтан, албан хаагчдаа нүүлгэн шилжүүлэх зорилгоор цэргийн ачааны хоёр нисэх онгоцоо илгээлээ. Цэргийн C-130 онгоцоор Афганистанаас нүүлгэн шилжүүлэлт хийж, хөрш зэргэлдээх улс орнууд руу аваачна.