TV5 Mongolia
TV5 Mongolia
Афганистаны засгийн эрхийг барьж байгаа талибаны бүлэглэл эмэгтэйчүүдэд сурч боловсрох эрх олгоно гэдгээ мэдэгдсэн ч үүний тулд хүйсээр ялгаварлан тусгаарлах маягаар сургууль, боловсролын байгууллагад хамруулах болно гэдгийг тодотгожээ. Түүнчлэн исламын радикалууд их дээд сургуульд сурч байсан эмэгтэй оюутнууд цаашид хичээл сургуулиа хэрхэн үргэлжлүүлэх боломжийн талаар мэдэгдсэн байна.
photo credit: AZIZ TAHER/REUTERS
Израилийн аюулгүйн хүчнийхэн Иордан голын Баруун эрэг, мөн Иерусалим хотын захад олныг хамарсан эсэргүүцлийн жагсаал өрнүүлсэн Палестины иргэдийг хүчээр тараажээ. Палестинчууд Израилийн шоронгоос оргосон Палестины 6 иргэнийг дэмжин жагсаал зохион байгуулсан юм.
Нидерландын Гаага дахь олон улсын эрүүгийн шүүх ирэх 2022 оны сүүлч гэхэд Донбассын тэнгэрт осолдсон Малайзын иргэний агаарын тээврийн компанийн Боинг онгоцны ослын дагуух эцсийн шийдвэрээ гаргахаар төлөвлөж байна.
“Умардын урсгал-2” байгалийн хий дамжуулах хоолойн барилгын ажил дуусах шатандаа орж, Балтийн тэнгисийн ёроолоор сүүлийн хоолойг буулгаж, угсрах ажил хийгдэж байна.
