Европын томоохон сүлжээ супермаркетууд болох Очан болон Кэйрфор дэлгүүрүүд Бразилын үхрийн махны экспортод хориг тавьжээ. Хориг тавьж байгаа шалтгаан нь Бразил улс Амазонкийн ширэнгэн ойд хууль бусаар мод бэлтгэж, устгаж байгааг эсэргүүцэж байгаа явдал юм. 

Эфиопийн Тыграй омгийн босогчид булаан эзэлсэн нутаг дэвсгэрээ орхин ухарч байна. Тыграйн босогчид сүүлийн саруудад байрлалаа ахиулан Амхар, Афар зэрэг мужуудыг хяналтандаа оруулаад байсан ч дотоодын нөхцөл байдал хүнд байгаагаас олон улсын хүмүүнлэгийн тусламжийн коридор нээх зорилгоор байрлалаасаа ухарч байгаа юм. 

Италийн хойд хэсгийн Турин хотод золгүй явдал болж, барилгын хоёр өргөгч цамхаг ойчжээ. Энэ явдал Турин хотын Виа Женова гудамжинд байрлах 7 давхар барилгын фасадыг сэргээн засварлах ажлын үеэр болсон байна.