TV5 Mongolia
TV5 Mongolia
Казахстанд шинэ оны дараа шингэрүүлсэн хийн үнийг нэмснээс шалтгаалан дэгдсэн дотоодын үймээн самуун, эмх замбараагүй байдал намжиж, энэ улсын эрх баригчид үндсэн хуулийн дагуу хэв журам тогтоож чадсан байна. Үүнтэй зэрэгцээд Хамтын аюулгүй байдлын гэрээний байгууллагын энхийг сахиулах хүчин Казахстаны төрийн мэдлийн онцгой, дэд бүтцийн томоохон объектуудыг хамгаалалтад авчээ.
Казахстанд энэ улсын Үндэсний аюулгүй байдлын зөвлөлийн тэргүүн асан Карим Масимов болон өөр хэд хэдэн албан тушаалтнуудыг төрд тэрсэлсэн, улс орноосоо урвасан хэргээр баривчилсан байна. Карим Масимовыг Казахстанд олныг хамарсан жагсаал цуглаан дэгдсэнээс хойш 3 хоногийн дараа албан тушаалаас нь буулгасан юм.
Казахстанд өрнөсөн дотоодын эмх замбараагүй байдал, “хийн асуудлаас үүдэлтэй” иргэдийн жагсаал цуглааны талаар ОХУ болон Беларусийн талууд байр сууриа илэрхийлжээ.
Казахстаны эрх баригчид иргэдийн жагсаал цуглаан, үймээн самуун хамгийн өргөн хүрээнд явагдсан Алматы хотод терроризмын эсрэг тусгай ажиллагаа явуулжээ.
