Мьянмарт дэгдсэн дотоодын улс төрийн тогтворгүй байдлыг газар дээрээс нь сурвалжлахаар очсон Японы сэтгүүлч Китамузи Юки өнгөрсөн ням гарагт Янгон хотоос баривчлагджээ. Тэгвэл ажил үүргээ гүйцэтгэж яваад саатуулагдсан гадны сэтгүүлчийг нэн даруй суллахыг шаардсан уриалгыг Япон улс болон олон улсын хэвлэл мэдээллийн байгууллага гаргасан байна. 

Чад улсын ерөнхийлөгч Идрис Деби дайн тулааны бүсэд хүнд шарх аван улмаар амь насаа алджээ. Тэрээр улсынхаа хойд хэсэгт Чадын арми болон босогчдын хоорондын тулааны үеэр толгойн тус газраа суманд оногдсон байна.

АНУ-ын Флорид мужид далайн эргийн дэргэдэх наран шарлагын газарт амарч, усанд сэлж байсан хүмүүсийн дэргэд TBM Avenger загварын онгоц буужээ. Онгоц ослын буулт хийсэн болох нь сүүлд тодорхой болсон байна. 

 Энэ явдлыг харуулсан бичлэгэн дээр онгоц хүмүүсийн дээгүүр маш доогуур өндөрт нисч яваад буулт хийсэн болох нь харагдаж байгаа юм. TBM Avenger загварын онгоц нь Дэлхийн 2-р дайны үеийн, орон нутгийн Валиант Эйр Комманд музейн үзмэр байжээ. Онгоц агаарт хөөрсний дараагаар хэсэг хугацааны дараа хөдөлгүүр нь ажиллагаагүй болсон учраас яаралтай буулт хийсэн байна. Онгоцыг жолоодож явсан хүн азаар амьд мэнд хоцорсон байна. Харин музейн онгоцыг засч сэлбэхэд хэдэн жилийн хугацаа шаардагдана гэдгийг музейн удирдлага мэдээлжээ.