Японы өмнөд хэсэгт Сакуразима галт уул сэрж оргилж эхэлжээ. Японы эрх баригчид галт уулын бүс дэх нутаг орны иргэдэд анхаарал болгоомжтой байхыг анхааруулсан байна.

Индонезийн Бали арлын ойролцоо энэ сарын 21-нд сураггүй алга болсон тэнгисийн цэргийн хүчний Nanggala-402 шумбагч хөлөг онгоцыг живсэнд тооцжээ. Индонезийн ерөнхийлөгч Жоко Видодо цэргийн шумбагч хөлөг онгоцыг эрж хайх ажил амжилтад хүрээгүй, мөн хөлөг дээр хүчилтөрөгчийн нөөц дууссан учраас хөлгийн багийнхан золгүйгээр амиа алдсанд тооцон, ар гэрийнхэнд нь эмгэнэл илэрхийлжээ.

Хятадын баруун өмнөд хэсгийн Сычуань мужид ойн түймэр асч байна. Түймэр Сычуань мужийн Ляншань мужийн нутагт асч, хоромхон хугацаанд хүрээгээ тэлсээр байна.