Токиогийн Олимпийн наадамд Беларусь улсыг төлөөлөн оролцож байсан хөнгөн атлетикийн тамирчин Кристина Тимановская Австрийн нийслэл Вена хотоос Польшийн нийслэл Варшав хотод ирсэн байна.

Ливаны нийслэл Бейрут хотод одоогоос жилийн өмнө золгүй явдал болж, нийслэл хотын томоохон боомтод хүчтэй дэлбэрэлт болж байсан. Энэхүү дэлбэрэлтийн улмаас Ливанд их хэмжээний хохирол учирч, энэ улсын худалдааны томоохон боомт ажиллагаагүй болсноос эдийн засгийн хямрал нүүрлэхэд хүргэсэн юм. Тэгвэл Бейрутын боомтод болсон золгүй явдлын жилийн ойн дээр Франц  улс Ливанд 100 сая еврогийн эдийн засгийн тусламж дэмжлэг үзүүлэхээр тогтжээ.

Уулын Карабахын бүс нутгийн зэвсэгт мөргөлдөөн, хоёр улсын хилийн маргаан зөрчлийн улмаас албан сэнтийгээсээ буугаад байсан Никол Пашинян дахин улсынхаа ерөнхий сайдаар томилогджээ. Никол Пашиняныг Армяны ерөнхий сайдын суудалд энэ улсын ерөнхийлөгч Армен Саркисяны тушаалаар томилсон байна.