Афганистанд дотоодын үймээн самуун, халдлага хүчирхийлэл газар авсаар байна. Талибаны зэвсэгт бүлэглэл дайралтаа үргэлжлүүлсээр сүүлийн 3 хоногт улсынхаа 6 томоохон хотыг хяналтандаа оруулсан байна. Талибаны зэвсэгт дайчид ийнхүү улс орондоо хяналтаа тогтоон, засгийн газрын хүчинтэй дайтаж байгаагаас олон улсын ажиглагчид Афганистаныг олон улсын алан хядлага, терроризмын төв болохоос эмээж байна. 

Эрх чөлөөний арал буюу Куба улс цар тахлын халдварын хүнд нөхцөл байдал, мөн улс орондоо өнгөрсөн сард өрнөсөн төр засгийн эсрэг иргэдийн жагсаал цуглааны улмаас эдийн засгийн чухал шийдвэр гаргажээ. Кубын эрх баригчид улсынхаа иргэдэд хувийн жижиг, дунд бизнес эрхлэн, үйлдвэрлэл үйлчилгээ явуулахыг албан ёсоор зөвшөөрчээ.

Афганистанд дотоодын хямрал хүчирхийлэл гаарч, талибаны зэвсэгт бүлэглэл байрлалаа ахиулан тэмцсээр байна. Өнгөрсөн амралтын өдрүүдэд талибаны зэвсэгт дайчид улсынхаа хойд хэсэгт байрлах Кундуз хотыг булаан эзэлж, хяналтаа тогтоожээ.