ХБНГУ-ын Канцлер Ангела Меркель ОХУ-д хийсэн үдэлтийн айлчлалаа өндөрлөөд Украиныг зорьжээ. Киевт Украины эрх баригчидтай уулзах үеэрээ хатагтай Меркель Германы засгийн газар Украины талд цаашид бүх талаар дэмжлэг үзүүлэх болно гэдгээ илэрхийлсэн байна.

Афганистаны нийслэл Кабул хотод талибаны зэвсэгт бүлэглэл цөмрөн орсны дараагаар энэ улсын иргэд эх орноо орхин дүрвэхээр олноороо тэмүүлж, улсынхаа нисэх буудалд үймээн самуун дэгдээснийг үзэгч та мэдэж байгаа. Тэгвэл Кабул хотын нисэх буудалд дэгдсэн үймээн самууны үеэр 7 хүн олны хөлд гишгүүлж амиа алдсан байна.

АНУ, Афганистанаас цэрэг дайчдаа гаргах, нүүлгэн шилжүүлэх үйл явцыг тогтсон хугацаанд шуурхай явуулах болно... Энэ талаар АНУ-ын ерөнхийлөгч Жо Байден мэдэгдсэн байна. Цагаан ордны тэргүүн Кабулын нисэх буудалд үүсээд байгаа иргэдийн үймээн самууныг эв зүйгээр шийдвэрлэн, гадны улс орны иргэд, мөн цэргийн хүчнийг нүүлгэн шилжүүлэх ажлыг шат дараалалтай явуулах нь зүйтэй гэж мэдэгджээ.