Оросын иргэний агаарын тээврийн Аэрофлот компани гадаадын улс орнууд руу хийх нислэгээ зогсоож байна. Аэрофлот компаниас гаргасан мэдэгдэлд дурьдсанаар 3-р сарын 8-ны өдрөөс эхлэн Беларусь улсаас бусад гадны улс орнууд руу хийх олон улсын нислэгээ зогсоож байгаа юм. 

БНСУ-д энэ сарын 9-нд Ерөнхийлөгчийн ээлжит сонгууль болох юм. Тэгвэл 20 дахь удаагаа болж байгаа Ерөнхийлөгчийн сонгуулийн урьдчилсан санал хураалт энэ баасан гарагаас эхэлж, иргэд сонгогчид сонгуулийн албан ёсны өдрөөс өмнө саналаа өгөх боломжтой юм. 

НҮБ-ын Хүний эрхийн байгууллага ОХУ-ыг Украины нутаг дэвсгэр лүү халдан довтолсныг эсэргүүцэн Оросын эсрэг тогтоол батлахаар санал хураалт явуулж байна. Энэхүү баримтад Оросын талыг галаа нэн даруй зогсоож, Украинаас цэргийн хүчнээ гаргахыг шаардаж байгаа юм.