ОХУ-ын Ерөнхийлөгч Владимир Путин Ново-Огарёво дахь албан өргөөндөө Армяны засгийн газрын тэргүүн Никол Пашиняныг хүлээн авч уулзжээ. Уулзалтын үеэр талууд Уулын Карабахын асуудал, био-аюулгүй байдлын талаар голчлэн хэлэлцлээ. 

Иракийн хойд хэсгийн Курдистаны тэргүүн Масрур Барзани Лондон хотноо Их Британийн ерөнхий сайд Борис Жонсонтой нүүр тулсан уулзалт хийжээ. Талууд уулзалтын үеэр Европт эрчим хүчний эх үүсвэр нийлүүлэх, экспорт нэмэгдүлэх, Иракийг чиглэсэн хөрөнгө оруулалтыг өсгөх асуудлаар хэлэлцлээ. 

Украины дайн зөвхөн Орос, Украин гэсэн хоёр улсад хамаатай биш, цаашлаад дэлхийн улс орнуудад үнэ өсөхөөс авхуулаад сөрөг үр дагавар ихтэй байна. Түлш шатахууны үнийг дагаад өргөн хэрэглээний бүх бараа бүтээгдэхүүний үнэ өсч байгаа нь та бидний амьдралд ч нөлөөлж байгааг мэднэ.