Гамшгаас хамгаалах өндөржүүлсэн бэлэн байдлын “улбар шар” түвшинг “шар” түвшинд буулгалаа.

Л.ОЮУН-ЭРДЭНЭ: Хөгжлийн банк дампуурахгүй бас Хөгжлийн банкны өрийг Засгийн газар төлөхгүй

Засгийн газрын тэргүүн Хөгжлийн банкны чанаргүй зээлийн эргэн төлөлтийг шуурхайлах үүргийг холбогдох хүмүүст нь өглөө. Хөгжлийн банкнаас нийт 3 их наяд төгрөгийн зээлийн багц гарснаас 55 хувь нь чанаргүй буюу эргэн төлөгдөх хугацаа хэтэрсэн зээл байгаа юм. Өнөөдрийн байдлаар 28 зээлдэгчийн 1 их наяд төгрөгийн зээл шүүхэд шилжээд байна. Үүнээс гадна Хөгжлийн банкнаас 20 орчим зээлдэгч 520 гаруй тэрбум төгрөгийн зээл авсан ч зээлийг зориулалтын бусаар ашигласан нь шалгалтын явцад тогтоогджээ.  

Манай улс хилээ бүрэн нээж, жуулчдад нээлттэй орон боллоо.

Замын-Үүдийн боомтоор өнөөдрийн байлдаар 1,460 чингэлэг ачаа барааг татан аваад байна. Өнгөрсөн 1 дүгээр сараас ажиллаж эхэлсэн тусгай зохион байгуулалт бүхий тээвэрлэлт хэвийн үргэлжилж байна. Мөн тээвэрлэлтийн үнэ бага багаар буурч эхэлжээ. Тээвэрлэлтийн үнийг цаашид ил тод байлгаж, хөөсрөл үүсгэхгүйн тулд урд хөрштэй хамтран “Нээлттэй платформ” системийг хөгжүүлж эхэлсэн байна.

Ерөнхий сайд Л.Оюун-эрдэнэ болон албаны хүмүүс өвлийн олимпын нээлтийн ёслолд оролцонгоо БНХАУ-д ажлын айлчлал хийгээд ирсэн. Энэ хүрээнд хилийн боомтууд дээр үүсээд байгаа асуудлуудыг түлхүү ярилцсан байна. 10 гаруй жил үргэлжилсэн Гашуун сухайт, Ганц мод боомтыг төмөр замаар холбох, хилийн шугам дайрах цэгийг эцэслэх гээд томоохон шийдвэрүүдийг эцэслэсэн. Харин одоогоор хилээр гарч байгаа нүүрс тээврийг олимп үргэлжлэх хугацаанд нэмэгдүүлэх боломжгүйг Хятадын талаас мэдэгджээ. Цаашид халдвар хамгааллын дэглэмээ баримтлан бага багаар нэмэгдүүлэхээр тохирсон байна.