TV5 Mongolia
TV5 Mongolia
Коронвируст халдварын тархалт эрчимтэй нэмэгдэж эхэлсэн. Гэхдээ халдвар авч байгаа иргэдийн хувьд голдуу хүүхэд болж хувирсан байна. Вакцин хийлгэсэн иргэдийн хувьд харьцангуй бага дээр нь хөнгөн өвдөж байгааг онцоллоо. Тийм учраас амны хаалтнаас өөр хамгаалалтгүй байгаа хүүхдүүдээ олон нийтийн газар дагуулж явахгүй байх, эрсдэлтэй нөхцөл байдалд оруулахгүй байхыг онцгойлон сануулж байна.
Сүүлийн 24 цагт 785 тохиолдол шинээр бүртгэгдэж, 75 хүн эдгэрч, 4 хүн нас барлаа
Сүүлийн 24 цагт 6237 хүнээс шинжилгээ авч, 653 хүнээс халдвар илэрчээ. Үүнээс нийслэлд хотод 625 нь орон нутагт 28 тохиолдол бүртгэгджээ. Нийслэлд илэрсэн 625 тохиолдол нийслэлийн зургаан дүүргийн 160 орчим хорооноос илэрсэн байна. Мөн үйлчилгээний байгууллагаар үйлчлүүлсэн иргэнээс халдвар илэрсэн гэж Эрүүл мэндийн яамнаас мэдэгдлээ. Нэн хүнд гэсэн оноштой эмчлүүлж байсан хоёр иргэн коронавирусын халдвараар нас баржээ.
Ойрын хавьтлын шинжилгээг 24 цагийн хугацаанд дүүрэг, өрхийн эмнэлгүүд авч ажиллаж байгаа. ХӨСҮТ-өөс мэдээлж байгаагаар 80-90 хувийн хамралттайгаар ойрын хавьтлын шинжилгээг авч байгаа гэлээ. Мөн манай улсад эрсдлийн тухайд өндөр байгааг ХӨСҮТ-өөс анхааруулсаар байна. Тухайлбал манай улсад вакцины 1-р тунгаа хийлгээд 9 мянга орчим хүн өвдсөн бол хоёр тунгаа хийлгээд халдвар авсан гурван мянга гаруй тохиолдол байгааг хэллээ.
