Үйл явдал

Германы Гессен мужийн Фолькмарзен хотод машинтай этгээд багт наадмын баярын үеэр хүмүүсийг дайрч, балмад халдлага үйлджээ. Энэ явдлын улмаас 30-аад хүн, тэр дундаа хүүхдүүд өртсөн байна. 

Германы хууль сахиулагчид хэргийг үйлдсэн этгээдийг баривчлан саатуулаад байна. Цагдаа нарын үзэж байгаагаар тэрээр зориудаар хүмүүсийг дайрч, гэмтээжээ. Түүний машинд дайруулсан хэд хэдэн хүний биеийн байдал хүнд байгаа юм. Гэм зэмгүй хүмүүсийг дайрсан этгээдийг бусдын амь нас, эрүүл мэндэд зориудаар хор хөнөөл учруулахыг завдсан хэрэгт буруутган, шалгаж эхлээд байна. Фолькмарзен хот нь Кассель хотоос холгүй байрлах, 7 мянган хүн амтай жижиг хот юм. Германы ихэнх хотуудад уламжлалт багт наадмын улирал дуусч байгаа юм.