Топ мэдээнүүд

Grid List

Зориг агсны амь насыг хөнөөсөн хэргийн шийдвэрлэсэн байдлыг шалгах улсын их хурлын түр хороонд олон улсын парламентын холбоо дүгнэлтээ илгээжээ. Сар гаруйн өмнө явуулсан дүгнэлт төрийн нууцад багтсан байсныг ил болгож байгааг гишүүд онцоллоо. Олон улсын шинжээчид ял авсан иргэдийг түр суллаж, энэ хэргийг төрийн нууцаас бүрэн гаргах ёстой гэж үзсэн байна. Нууц задруулсныхаа төлөө гишүүд хариуцлага хүлээхэд бэлэн гэдгээ ч хэллээ. 

Дэлгэрэнгүй ...

Шахмал түлш хэрэглэсэн зарим айл өрхүүдээс угаартан хордож харамсалтайгаар амиа алдсан иргэний тоо зургаад хүрсэн.  Энэ асуудлыг өнөөдрийн засгийн газрын хуралдаанаар яаралтай хэлэлцэж 11 сарын 1 гэхэд гэр хорооллын айл өрхүүдэд угаарын хий мэдрэгч төхөөрөмж суурилуулах болсон.  Хотын дарга С.Амарсайхан утааг арилгах ажлыг иргэдээ эрсдүүлэхгүйгээр хийх ёстой гэсэн байр суурийг илэрхийллээ.  

Дэлгэрэнгүй ...

С.Зориг агсны амь насыг хөнөөсөн хэргийн шийдвэрлэсэн байдлыг дахин шалгах улсын их хурлын ажлын хэсгээс мэдээлэл өглөө. Энэ хэргийг Ц.Амгаланбаатар, Т.Чимгээ нарыг үйлдсэн гэж үзэн ялын дээд хэмжээ оноогоод байгаа юм. Тэгвэл эрүүдэн шүүгдэж хэрэг хүлээсэн гэх Ц.Амгаланбаатартай олон улсын парламентын холбооны төлөөлөгчид уулзжээ. Уулзалтын протколын тэмдэглэлийг гишүүн Ж.Батзандан өнөөдөр дэлгэлээ. 

Дэлгэрэнгүй ...

Шахмал түлшинд угаартан дөрвөн иргэн амь насаа алдсан учраас нийслэлийн удирдлагууд иргэдийн хэрэглээнд хүргүүлсэн түлшнээс дээж авч шинжилгээнд өгчээ. Геологийн төв лабортори, Ашигт малтмал газрын тосны газрын лабортори, Гаалийн төв лабротори гэсэн гурван газарт хүргүүлжээ. Ингэхдээ иргэд хордсон 19 цэгээс дээж авсан байна. Шинжилгээний дүн өнөөдөр гарлаа. Монгол улсад мөрдөгдөж байгаа стандарт норм зөрчигдөөгүй гэсэн дүгнэлт гарсан байна. 

Дэлгэрэнгүй ...

Энэ сарын 4-ний өдөр буюу баасан гарагийн шөнө угаарын хийнд хордсон гэх хэд хэдэн дуудлага Хордлогын яаралтай тусламжийн төвд ирж, 16 иргэн эмнэлгийн тусламж авсан.

Дэлгэрэнгүй ...

Монголын дипломатууд тамхины наймаачид гэсэн мэдээллүүд ар араасаа хөвөрсөөр байна. Аюулгүй байдал гадаад бодлогын байнгын хорооноос ч эрэн сурвалжлагдаж байгаа хүмүүсийн нэрсийг зарлалаа. Үүн дотор Оросын холбооны улсад суух элчин сайдын яамны 1-р нарийн бичгийн дарга асан Д.Нямжав багтаж байна. Тэрээр Засгийн газрын хэрэг эрхлэх газрын дэд даргын албан тушаал хашиж байснаас гадна одоо  төрийн үйлчилгээг хариуцан ажилладаг юм. Тэгвэл Д.Нямжав ийм асуудал гарсантай холбогдуулан үүрэгт ажлаасаа  чөлөөлөгдөн шалгуулахаар төлөвлөж байгаагаа хэллээ. 

Дэлгэрэнгүй ...

Улсын их хурлын гишүүн Ж.Батзандан хэвлэлийн бага хурал хийлээ. Түүний ах нар төрийн албанд томилогддог тухай мэдээлэл гарсан. Зарим нь гадаадад суух консул болжээ. Албан тушаалд хүрэхдээ авлига хээл хахуулийн хэрэгт холбогддог, улсын нэрээр визний наймаа хийдэг зэргийг Хөх хотод суух консул асан Мөнх-Эрдэнэ дэлгээд байгаа юм. Тэгвэл Батзандан гишүүн ахтайгаа холбоотой энэ бүх асуудлыг шалгуулахаар Авлигатай тэмцэх газарт ханджээ. 

Дэлгэрэнгүй ...

НИТХ-ын дарга асан Сандуй, Ганбаатар нарт холбогдох хэргийн анхан шатны шүүхийн хэлэлцүүлэг өнөөдөр болохоор товлогдсон ч хойшиллоо. Төрийн албыг 60 тэрбум төгрөгөөр наймаалцах гэж байсан хэмээн буруутгаж байгаа юм. Энэ нь төрийн эрх мэдлийг хууль бусаар авах хуйвалдаан зохион байгуулах гэмт хэрэг гэж хуулийн байгууллага үзжээ. Хэргийн гэрчээр Доржзодов дуудагдсан байна.  

Дэлгэрэнгүй ...

Эцэг хуулийг ард нийтийн санал асуулгаар эцэслэн батлах нь зүйтэй гэж УИХ ын гишүүдийн олонхи нь үзсэн. Тиймээс энэ долоо хоногт төрийн байгуулалтын байнгын хорооны хуралдаанаар ард нийтийн санал асуулгын зардал, хугацаа зэргийг эцэслэн тогтоох учиртай. Харин ард нийтийн санал асуулгатай зэрэгцэн УИХ хугацаанаасаа өмнө тарж ээлжит бус сонгууль явуулах нь зүйтэй гэх санал эрх баригчдын дунд гарч эхэлжээ. Энэ асуудлыг ч УИХ ын дарга яриандаа дурдаж байсан удаатай. Тэгвэл УИХ ыг хугацаанаас нь өмнө тараах саналыг олонхийн бүлгийн дарга Д.Тогтохсүрэнгийн албан бланкан дээр МАн ын нарийн бичгийн дарга гарын үсэг зуруулж байна гэх мэдээлэл цацагдсан. Харин энэ асуудал яригдаж байгаа ч гарын үсэг цуглуулсан зүйл байхгүй гэдгийг тэрээр хэллээ. 

УИХ бүрэн эрхийн хугацаанаасаа өмнө тарах нь зүйтэй гэж нийт гишүүдийн дөрөвний гурав нь үзэн гарын үсэг зурсан тохиолдолд хууль тогтоох дээд байгууллага тарах боломжтой. Харин УИХ ыг тарааж ээлжит бус сонгууль зарлах албан бланкан дээр 40 гишүүн гарын үсэг зурсан гэх мэдээлэл гараад байгаа юм. энэ асуудлыг эрх баригч намын генсек үгүйсгэсэн ч гишүүдийн дунд яригдаж байгаа зүйл байгааг хэллээ. Учир нь ард нийтийн санал асуулгад 29 тэрбум төгрөг зарцуулах урьдчилсан тооцоо гарсан нь өндөр өртөг тул ээлжит бус сонгуулийг хамтад нь явуулах нь зүйтэй гэж зарим гишүүд үзсэн гэнэ. Тиймээс асуудлаар гишүүдийн байр суурийг тодрууллаа

Үндсэн хуулийн нэмэлт өөрчлөлтийн төслийг дэмжих эсэх ард нийтийн санал асуулгыг ирэх сарын 30,31 ний өдөр явуулахаар төлөвлөөд байгаа. Харин УИХ ын ээлжит сонгууль болоход жил хүрэхгүй хугацаа үлдээд байгаа юм. Тиймээс ирэх 11 сард ард нийтийн санал асуулга УИХ ын ээлжит бус сонгууль явуулах асуудал Улс төрийн хүрээнд яригдаж эхэллээ. Цаашид олон гишүүн ээлжит бус сонгууль явуулах санал гаргавал намын бага хурлаар асуудлыг хэлэлцэнэ гэж тус намын нарийн бичгийн дарга хэллээ. Харин гишүүдээр гарын үсэг зуруулахын тулд сонгуулийн тойрог амлах, холбогдсон хэргээр нь барьцаалж байна гэх мэдээлэл ташаа гэдгийг онцоллоо