Топ мэдээнүүд

Grid List

Архив...

Намууд

Улсын их хурал дахь Шинэ намын зөвлөл өнөөдөр /2020.01.20/ гурван асуудлаар хуралдсан байна. Тэд орон нутгийн сонгуулийн хуульд өөрсдийн саналаа хүргүүллээ. Орон нутаг бол иргэдтэй хамгийн ойр ажиллах нэгж. Тийм учраас сонгуульд намуудыг оролцуулахгүй байх санал гаргасан байна. Ингэснээр улстөржилтөөс холдоно гэж үзжээ.

Дэлгэрэнгүй ...

Монгол Ардын нам нэр дэвшигч нараасаа нэг ч төгрөгийн хандив авахгүй гэдгээ зарласан. Харин Ардчилсан намын хувьд нэр дэвшигч, горилогч нараас авах мөнгөн дүн 100 сая төгрөг байхаар тогтсон байна. Сонгуулийн хуулиар авлига, албан тушаалын хэрэгт холбогдсон хүмүүсийг нэр дэвшүүлэхгүй. Ардчилсан нам хуулийн энэ заалтыг чанд баримтлан нэр дэвшигч нараа тодрууна гэдгийг намын дарга С.Эрдэнэ хэлж байна.

Дэлгэрэнгүй ...

Сонгуулийн жилийн 2-р сарын 1-нээс өмнө сонгууль болох өдрийг товлох ёстой. Энэ дагуу СЕХ-оос УИХ сонгуулийг 6-р сарын 24-нд, орон нутгийн сонгуулийг 10-р сарын эхээр явуулах тухай саналаа хүргүүлсэн. Мөн тойрог байгуулж, мандат хуваарилах тухай асуудал ч 2-р сарын 1 гэхэд тодорхой болно.

Дэлгэрэнгүй ...

Улсын их хурал дахь Монгол ардын намын бүлэг өнөөдөр хуралдлаа. Хуралдаанд Ерөнхий сайд, Монгол ардын намын дарга У.Хүрэлсүх, ерөнхий нарийн бичгийн дарга Д.Амарбаясгалан гээд эрх баригч намын удирдлагууд оролцсон байна. Сонгуулийн мандат болон нэр дэвшигч нарын талаар хэлэлцсэн гэдгийг зарим эх сурвалжууд хэллээ. Энэ удаагийн сонгуульд МАН нэр дэвшигчдээсээ нэг ч төгрөгийн хандив авахгүй. Мөн иргэдэд хүлээн зөвшөөрөгдсөн өндөр рейтингтэй гишүүдийг сонгуульд илгээнэ гэдгийг намын дарга мэдэгджээ.

Дэлгэрэнгүй ...

Тэтгэврийн зээлтэй холбоотойгоор Улсын их хурал дахь Шинэ намын зөвлөл өөрсдийн байр сууриа илэрхийллээ. Тэд Үндсэн хуульд заасны дагуу иргэн бүр тэгш эрхтэй байхыг сануулж байна. Байгалийн баялгаас зөвхөн зээлтэй иргэдэд дэмжлэг үзүүлээд зээлгүй ахмадуудыг орхигдуулж болохгүйг онцоллоо. Тэгш эрх бий болгохын тулд Шинэ намын зөвлөл шаардлага хүргүүлэхээр болсон байна. Хэрвээ хүлээн авахгүй бол жагсаал зохион байгуулахаар шийджээ. 

Дэлгэрэнгүй ...

Архив...

Намууд

2020 оны УИХ-ын сонгуулийг  томсгосон тойрог олон мандаттай байхаар хуулинд тусгасан. Тодруулбал улс бүхэлдээ 26 тойрогт хуваагдан 76 гишүүнийг сонгохоор төлөвлөсөн. Гэхдээ хэлэлцүүлгийн явцад тойргийн тоог нэмэх асуудал ч хөндөгдөж байгааг зарим гишүүд хэллээ. Үүнээс гадна Нийслэлийн зарим дүүргийн мандатыг цөөлж орон нутагт нэмэх асуудлыг ярьж байгаа. Ардчилсан намын зүгээс нийслэлийн мандатыг цөөлөх асуудлыг дэмжихгүй гэх байр суурьтай байгаагаа хэлж байна.

Дэлгэрэнгүй ...

Энэ долоо хоногт тэтгэврийн зээлийг тэглэх асуудлыг нэг мөр шийдэж дуусгана. Хуулийн төслийг Баасан гарагийн нэгдсэн хуралдаанаар хэлэлцэн батлахаар төлөвлөж байгааг Улсын их хурлын дарга Занданшатар хэлсэн. Тэгвэл эрх баригч монгол ардын намын бүлэг өнөөдөр үдээс хойш хуралдаж хуулийн төслийг хэлэлцлээ. Намын бүлгээс ямар шийдвэр гарсныг үзэгч танд хүргэе. 

Дэлгэрэнгүй ...

Ирэх 6-р сард Улсын их хурлын сонгууль болно. Олон мандаттай, томсгосон мажоритор тогтолцоогоор нэр дэвшигчид өрсөлдөх юм. Харин улс орныг хэдэн тойрогт хуваах, тойрог бүр хэдэн мандаттай байх вэ гэдгийг Сонгуулийн ерөнхий хороо 2-р сар гэхэд  эцэслэх юм. Аймгуудын хувьд нэг мандаттай, үлдсэн нь нийслэлд байх магадлал өндөр. Тэгвэл нийслэлийн мандатаас хасч дөрвөн аймагт мандат нэмэхээр яригдаж эхэлсэн байна.

Дэлгэрэнгүй ...

Тэтгэврийн зээл тэглэх асуудлыг Улсын их хурал дахь сөрөг хүчин Ардчилсан намын зөвлөл бүрэн дэмжиж байгаагаа өнөөдөр илэрхийллээ. Мөн зөвхөн Салхитын ордыг ашиглаж тэтгэврийн зээл тэглэх биш байгалийн баялгийн ашиг шимээс иргэдэд тэгш хүртээх нь зүйтэй гэж үзэж байгаагаа онцоллоо. Стратегийн 16 ордыг эдийн засгийн эргэлтэнд оруулж иргэн бүртээ хишиг хүртээх хуулийн төсөл ч боловсруулсан байна. 

Дэлгэрэнгүй ...