Топ мэдээнүүд

Grid List

Оюу толгойн хөрөнгө оруулалтын гэрээ Монголын улс төрийн мөнхийн сэдэв болоод 10 гаруй жил өнгөрч байна. Шинээр бүрэлдсэн парламентын зарим гишүүд ч анхны хуралдаанаасаа эхлээд энэ асуудлыг хөндөж эхэллээ. Гэрээг бүрэн цуцлах, эсхүл шууд өөрчлөх боломж тэр бүр байхгүй. Харин ажлын хэсэг байгуулж сайжруулах, үр өгөөжийг нь нэмэгдүүлэх анхаарч байгааг Засгийн газрын хэрэг эрхлэх газрын дарга Оюун-Эрдэнэ хэллээ.

Дэлгэрэнгүй ...

Ирэх дөрвөн жил ажиллах Монгол Улсын засгийн газрын бүтцийг Улсын их хурал хэлэлцэн баталж дууслаа. Өмнөх засгийн газрын бүтэц дээр Соёлын яам нэмэгдэж бусад нь хэвээрээ үлдэж байна. Ингэснээр 14 яам, 17 сайдтайгаар Монгол Улсын засгийн газар үйл ажиллагаагаа явуулах юм. Өнөөдөр яамд болон сайд нарын эрхлэх асуудлуудыг тодорхой болгож баталлаа.

Дэлгэрэнгүй ...

Шинэ парламентын анхдугаар чуулган үргэлжилж УИХ дахь МАН-ын бүлгийг 62 гишүүнтэйгээр байгуулж бүлгийн даргаар УИХ-ын гишүүн Д.Тогтохсүрэнг томиллоо. Олонхийн бүлэгт УИХ-ын гишүүн Ж.Эрдэнэбат багтаж байгаа юм.

Дэлгэрэнгүй ...

УИХ-ын ээлжит сонгуулиар бүрдсэн найм дахь удаагийн парламент өнөөдөр ажлаа эхэллээ. Сонгуулийн дүн будлиангүй, шударга явагдсан гэж үзсэн учраас ерөнхийлөгч анхдугаар хуралдааныг товлон зарлаж, гишүүд тангаргаа өргөлөө. Гишүүний тангарагт авлига ашиг сонирхлоос ангид ажиллана гэдэг шинэ өгүүлбэр багтсан байна. Энэ удаагийн парламентад 38 гишүүн шинээр ажиллах бол эмэгтэй гишүүн 13 сонгогдлоо. Насны хувьд Улсын Их Хурлын гишүүн Баделхан хамгийн ахмад нь буюу 66 настай бол хамгийн залуу нь Учрал гишүүн 33 настай юм. Анхдугаар чуулганд Монгол Улсын 0рөнхийлөгч оролцож үг хэллээ.

Дэлгэрэнгүй ...

Найм дахь удаагийн сонгуулийн дүнгээр бүрдсэн шинэ парламентын анхдугаар чуулганыг өнөөдөр 12:00 цагт товлон зарлалаа. Өчигдөр УИХ-ын гишүүний түр үнэмлэхээ авсан 76 гишүүнийг УИХ-ын даргад танилцуулсан бол өнөөдөр СЕХ 11:00 цагт МУ-ын Ерөнхийлөгчид танилцуулах юм.

Дэлгэрэнгүй ...

2020 оны ээлжит сонгуульд ялалт байгуулсан 76 хүн өнөөдөр Улсын их хурлын гишүүний үнэмлэхээ гардан авлаа. Үнэмлэхүй суудал авсан Монгол Ардын Намын гишүүдийн хувьд мөрийн хөтөлбөрөө хэрэгжүүлэх, улс орны эдийн засгийг дахин сэргээхэд бүхий л хүчээ дайчлан ажиллахаа хэллээ. 8 дахь удаагийн парламентын шинэ гишүүдийн үнэмлэхийг хуулийн дагуу Сонгуулийн ерөнхий хорооны удирдлагууд гардуулан өглөө.

Дэлгэрэнгүй ...

Монгол Улсын Их Хурлын 2020 оны ээлжит сонгуульд ялалт байгуулсан 76 нэр дэвшигч өнөөдөр (2020.06.29) Төрийн ордны Их танхимд Монгол Улсын Их Хурлын гишүүний үнэмлэхээ гардан авлаа.

Дэлгэрэнгүй ...

Занданшатар даргатай Улсын их хурал олон жил яригдсан Үндсэн хуулийн өөрчлөлтийг хийж чадсан. Шинэ зүйл заалт багтсан Үндсэн хууль ирэх Даваа гарагийн 12 цагаас эхлэн хүчин төгөлдөр хэрэгжих гэж байна. Гэхдээ бүх зохицуулалт шууд биелнэ гэсэн үг биш гэдгийг хуульч, Улсын их хурлын даргын зөвлөх Ж.Сүхбаатар хэллээ. Үндсэн хуулийн зарим зүйл заалтыг амилуулахын тулд бусад хуулиа нийцүүлэн өөрчилнө. Энэ ажил 2020 онд багтан дуусах ёстойг онцоллоо. 

Дэлгэрэнгүй ...

Энэ удаагийн Улсын их хурлын сонгуульд цахим орчинг ашиглах зохицуулалтыг хуульчилж өгсөн. Нам эвсэл, нэр дэвшигч өөрийн гэсэн албан ёсны нэг хуудсаар мэдээлэл хүргэх юм. Харин нууц хаяг нээж, бусдыг доромжлон гутаах зэрэг асуудлыг Шударга өрсөлдөөн хэрэглэгчийн төлөө газар, цагдаагийн байгууллага, Харилцаа холбооны зохицуулах хороо давхар хянахаар болсон байна. Өнөөдрийн байдлаар ийм зөрчилтэй 30 гаруй пэйж хуудсыг илрүүлжээ.

Дэлгэрэнгүй ...

2020 оны УИХ-ын сонгуульд нэр дэвшигчдийн хөрөнгө, орлогын мэдүүлгийг бүртгэж, хүлээн авах үйл ажиллагаа дууссан. 5-р сарын 19-ний 24:00 цагт АТГ-ын цахим систeм хаагдахад 647 нэр дэвшигч хөрөнгө, орлогоо мэдүүлжээ.

Дэлгэрэнгүй ...

НҮБ-ын Ази, Номхон далайн эдийн засаг, нийгмийн комисс тодорхой сэдвийн хүрээнд жил бүр хуралддаг. Энэ жил коронавируст халдварын улмаас цахимаар хуралдаж байна. Хуралдааныг Гадаад харилцааны сайд Д.Цогтбаатар даргалан хуралдуулсан юм. Хуралд дэлхийн 54 орны төлөөлөгчид оролцлоо.

Дэлгэрэнгүй ...

Хууль батлах дээд байгууллага Улсын их хурлын хаврын чуулган завсарлалаа. 2016 оны сонгуулиар бүрдсэн парламент нийт 124 хуулийн төсөл баталж, дунджаар 66 хувийн ирцтэй ажилласан байна. Занданшатар даргатай парламент олон жил яригдсан Үндсэн хуулийн өөрчлөлтийг хийж чадсан нь түүхэн үйл явдал байлаа. Монголын 7 дахь удаагийн парламент өнөөдөр сүүлийн хуралдаанаа хийж дуусгалаа. Одоо ирэх 6-р сард болох сонгуулийн үр дүнгээр дараагийн парламент ажлаа авах юм.

Дэлгэрэнгүй ...

Үндсэн хуулийн нэмэлт өөрчлөлтийг энэ сарын 25-ны өдрийн 12:00 цагаас улс даяар мөрдөж эхлэнэ. Эцэг хуулиа хориод жилийн дараа шинэчлэн мөрдөхтэй холбоотой УИХ арав гаруй хуульд өөрчлөлт оруулж байгаа. Өнөөдөр Засгийн газрын тухай хуулийг УИХ-аар эцсийн хэлэлцүүлгийг хийн баталлаа. Ингэснээр Ерөнхий сайд танхимаа өөрөө бүрдүүлэх эрхтэй болохоос гадна дөрвөөс илүүгүй сайд УИХ гишүүн байж болохгүй болж байна. Мөн УИХ-аар Засгийн газрын гишүүний тангараг өргөн журмыг хэлэлцэн баталлаа.

Дэлгэрэнгүй ...

УИХ хаврын ээлжит чуулганыг энэ долоо хоногт хаахаар төлөвлөн хэлэлцэх хуулийн төслүүдийг шуурхайлж эхлэсэн. Гэхдээ дэлхий нийтэд тархаад байгаа цар тахлын эрсдэл намжаагүй тул шаардлага гарвал хэдийд ч хуралдахад бэлэн байхаар төлөвлөжээ. Харин чуулганы хуралдааныг хаахаас өмнө Эрдэнэт үйлдвэртэй холбоотой санхүүгийн луйврыг засгийн газраас УИХ-ын гишүүдэд танилцуулах хэрэгтэйг Засгийн газрын хэрэг эрхлэх газрын дарга онцоллоо.

Дэлгэрэнгүй ...

Эрдэнэт үйлдвэрт санхүүгийн онц дэглэм тогтоосон. Хуулийн байгууллага нарийвчилсан шалгалт хийж байгаа юм. Жил гаруй хугацаа өнгөрсөн шалгалтаар Монгол Улсын Ерөнхийлөгч асан Элбэгдоржтой холбоотой 270-280 сая долларын хэрэг үүсч магадгүйг Засгийн газрын хэрэг эрхлэх газрын дарга Л.Оюун-эрдэнэ хэллээ.

Дэлгэрэнгүй ...

Энэ удаагийн Улсын их хурлын сонгуульд өрсөлдөх нэр дэвшигчид бүгд Авлигатай тэмцэх газарт хөрөнгө орлогын мэдүүлгээ хүргүүлэх учиртай. Сонгуулийн өмнө ямар хөрөнгөтэй байсан, дууссаны дараа хэрхэн өөрчлөгдсөнийг эндээс харж болох юм. Нэр дэвшигчид мэдүүлгээ ирэх Бямба гараг гэхэд Авлигатай тэмцэх газарт цахимаар өгөхөөр зохицуулалт хийгджээ.

Дэлгэрэнгүй ...

УИХ-аар өнгөрсөн оны 12 р сард Сонгуулийн тухай хуулийг шинэчлэн батлахдаа авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглох заалт оруулсан. Уг заалтыг нэр бүхий иргэд Үндсэн хууль зөрчиж байна гэж үзэн цэцэд гомдол гаргасан. Тэгвэл Үндсэн хуулийн цэц дунд суудлын хуралдаанаараа дээрх заалт нь Үндсэн хууль зөрчөөгүй гэх шийдвэрийг гаргасан юм.

Дэлгэрэнгүй ...

Улаанбаатар хотын нийтийн тээврийн үйлчилгээнд шинэ төрөл нэвтрүүлэх, агаарын бохирдлыг бууруулах зорилтын хүрээнд Нийслэлийн засаг даргын тамгын газар, Франц Улсын Пома компанитай хамтран дүүжин замын тээврийн төслийг хэрэгжүүлэхээр ажиллаж байна.

Дэлгэрэнгүй ...

Засгийн газраас хот байгуулах тухай тогтоолын төслийг өргөн барьсныг УИХ-аар хэлэлцэх нь зүйтэй гэж үзлээ. Тодруулбал, Төв аймгийн нутагт Майдар, Айросити гэх хоёр хотыг байгуулж нийслэлийн хүн амын төвлөрөл агаар хөрсний бохирдлыг бууруулахаар төлөвлөсөн.

Дэлгэрэнгүй ...

Үндсэн хуулийн нэмэлт өөрчлөлттэй холбоотой Засгийн газрын тухай хуульд нэмэлт өөрчлөлт оруулах төслийн анхны хэлэлцүүлгийг хийлээ. Хуулийн төсөлд Ерөнхий сайд болон засгийн газрын гишүүдийн дөрвөөс илүүгүй нь УИХ-ын гишүүн байж болно, Ерөнхий сайд УИХ, Ерөнхийлөгчид танилцуулсны үндсэн дээр засгийн газрын гишүүнийг томилох, чөлөөлөх, огцруулах эрхтэй, Ерөнхий сайд огцорвол засгийн газар бүрэлдэхүүнээрээ огцрох, улсын төсөв болон бодлогын тодорхой асуудлаар Ерөнхий сайдад итгэл хүлээлгэх тогтоолын төслийг УИХ-д өргөн мэдүүлэх зэрэг 38 зүйлтэй төсөл өргөн баригдсан юм.

Дэлгэрэнгүй ...

УИХ-ын чуулганы хуралдаанаар Зэвсэгт хүчний тухай хуульд нэмэлт өөрчлөлт оруулах хуулийн төслийн анхны хэлэлцүүлгийг хийж эхэллээ. Тус хуулийн өөрчлөлтөөр барилга, инженерийн цэргийн бие даасан анги бий болгох зохицуулалтыг оруулж байна. Ингэснээр цэргийн алба хашиж байгаа залуусыг барилга, инженерийн чиглэлээр мэргэшүүлэн сургаж улсын хэмжээний томоохон бүтээн байгуулалтад өндөр цалинтай ажиллуулахаар төлөвлөсөн байна.

Дэлгэрэнгүй ...

Улсын Их Хурал өнөөдөр хэд хэдэн томилгоо хийлээ. Удаан хугацаанд шийдгүй байсан Бүгд Найрамдах Хятад Ард Улс, Бүгд Найрамдах Солонгос Улсад суух элчин сайд нарыг үүрэгт ажилд нь илгээлээ. Манай улсын иргэд хамгийн их зорчдог хоёр орон учраас хариуцлагатай ажиллахыг гишүүд сануулсан байна. Мөн элчин сайд нарын асуудлыг Үндэсний аюулгүй байдлын зөвлөл хэлэлцэж томилох нь зүйтэй гэдэг дээр санал нэгдсныг Их хурлын дарга дуулгалаа.

Дэлгэрэнгүй ...

Улсын хурал Алсын хараа-2050 хөгжлийн барим бичиг хэлэлцэж эхэллээ. Нэг нам гарч ирээд бүх ажлыг өөрчилдөг биш хөгжлийн үндсэн төлөвлөгөөг энд багтаагаад байгаа юм. Уул уурхай, мал аж ахуй, бизнес, хүн амын өсөлт, гадаад харилцаа гээд бүгдийг багтаасан байна. Өөрөөр хэлбэл, 2050 оны дүр зургийг өнөөдөр харахыг оролдож байгаа юм. Үндсэн хуулийн дараа хөгжлийн баримт бичиг гэж тодорхойлсон "Алсын хараа-2050"-ийг хэлэлцэж эхэллээ.

Дэлгэрэнгүй ...

Монголбанкны тэргүүн дэд ерөнхийлөгчийн суудал эзэнгүй байсан. Тэгвэл тэргүүн дэд ерөнхийлөгчөөр Төрийн банкны захирал Г.Дөлгөөнийг томилохоор санал болголоо. Өнөөдөр Эдийн засгийн байнгын хороо хэлэлцэж дэмжсэн байна. Монголбанкны тэргүүн дэд ерөнхийлөгчийн томилгоог Улсын их хурал хийх юм.

Дэлгэрэнгүй ...

2018 онд гэмт хэрэг үйлдсэн хүмүүсийн 45.7 хувь нь бүрэн дунд боловсролтой, 17.5 хувь нь дээд боловсролтой иргэд байгаа юм. Эндээс залуучууд их, дээд, тусгай дунд сургууль төгсөж оюуны өндөр боловсрол эээмшиж байгаа боловч зан харилцаа, мөс чанар, ёс жудаг, хүмүүжил, хүндлэл, тэвчээр зэрэг хүний зан үйлийн сайн чанаруудыг эзэмшихэд чиглэсэн сургалт, боловсрол олгох үйл ажиллагаа хангалтгүй байгаагаас гэмт хэрэг, зөрчилд холбогдох явдал их байна гэх дүгнэлт гарч байгаа юм.

Дэлгэрэнгүй ...

УИХ-аар ковид-19 халдвар цар тахлаас урьдчилан сэргийлэх нийгэмд үзүүлэх сөрөг нөлөөллийг бууруулах, цар тахлын эсрэг богино хугацааны хуулийг анх удаа батласан. Уг хуулийг батлахтай зэрэгцэн буруу ташаа мэдээлэл цацагдах болсныг хууль санаачлагчид хэллээ.

Дэлгэрэнгүй ...

УИХ-ын чуулганы өнөөдрийн хуралдаанаар Гутайн даваа, Онон голын эх орчим, Ноён уулын газрыг улсын тусгай хамгаалалтад авахыг дэмжлээ. Уг асуудлыг хэлэлцэх үеэр түүхэн болоод байгалийн үзэсгэлэнт газар нутагт уул уурхайн олборлолт хийж байгаа компаниудад лиценз олгосон асуудлыг анхааран ажиллах хэрэгтэйг гишүүд хэллээ. Харин Уул уурхайн сайдын зүгээс хариуцлага алдсан компаниудын тусгай зөвшөөрлийг цуцлан ажиллаж байгааг онцолсон юм.

Дэлгэрэнгүй ...

Улсын тулгуур баримт болох эцэг хуулийн манаачид нь өөрсдөө Үндсэн хуулиа зөрчиж байгааг Хууль зүйн сайд хэллээ. Тодруулбал Үндсэн хуулийн цэцийн хоёр гишүүний бүрэн эрхийн хугацаа дуусаад зургаан сар орчим болсон байна. Улмаар УИХ-ын хууль зүйн байнгын хороо шинээр томилох гишүүдийн нэрсийг илгээх хүсэлтийг өнгөрсөн хоёрдугаар сард өгчээ. Гэвч өнөөдрийг хүртэл хариу ирүүлээгүй нь хууль сахиулах дээд байгууллагууд болох Улсын дээд шүүх, Үндсэн хуулийн цэц нь хуульгүй мэт аашилж байгааг хэллээ.

Дэлгэрэнгүй ...

Сонгуулийн төв байгууллагын тухай хуулиар СЕХ-ны нийт гишүүдийн тавыг УИХ-ын Төрийн байгууллалтын байнгын хороо санал болгох эрхтэй байдаг бол, 2 гишүүнийг МУ-ын Ерөнхийлөгч, хоёрыг нь Улсын дээд шүүх санал болгоно гэж заасан. Ингэхдээ төрийн жинхэнэ алба хаагчдаас сонгон санал болгож УИХ зургаан жилийн хугацаанд томилох хуультай юм. Улмаар төрийн байгуулалтын байнгын хороо СЕХ-ны хоёр гишүүнийг чөлөөлж хоёр гишүүнийг санал болгосныг УИХ-аар дэмжин томиллоо.

 

Дэлгэрэнгүй ...

Цар тахлаас урьдчилсан сэргийлэх, тэмцэх тухай хуулийн төсөл болон хамт өргөн мэдүүлсэн Эрүүгийн болон зөрчлийн тухай хууль, Гамшгаас хамгаалах тухай хуулийн төслүүдийг бүхэлд нь баталлаа. Ингэснээр онцгой дэглэмд шилжсэн өнөөгийн нөхцөлд амны хаалт зүүхгүй байхаас эхлээд алба хаагчдын шаардлагыг биелүүлээгүй иргэнийг 200 мянган төгрөгөөр торгох зохицуулалт орж байна.

Дэлгэрэнгүй ...

УИХ-ын нэр бүхий гишүүд ноолуурын салбарыг дэмжих чиглэлд засгийн газар нэмэлтээр авч хэрэгжүүлэх тогтоолын төслийг боловсруулан өргөн барилаа. Уг тогтоолд ноолууран бүтээгдэхүүний үйлдвэрлэл эрхлэгчид болон малчдыг дэмжихийн тулд нэмэлтээр 200 тэрбум төгрөгийг гаргах шаардлагатай гэж тусгасан байна. Мөн малчдаас ноолуур тушаасан суурь үнэ дээр кг тутамд 20 мянган төгрөг нэмж олгохоор төсөл боловсруулжээ.

Дэлгэрэнгүй ...

Цар тахлын үед санхүү, эдийн засгийн тогтвортой байдлыг хангах, эрсдэлээс урьдчилан сэргийлэх чиглэлд авч хэрэгжүүлэх арга хэмжээний тухай УИХ-ын тогтоолыг хэлэлцэж эхэллээ. Уг тогтоолоор банкны салбарт цогц шинэчлэл хийх, зээлийн хүүг бууруулж ипотекийн зээлийг тодорхой хугацаанд чөлөөлөх зохицуулалтууд багтсан. Үүнээс гадна банкны хүүг бууруулах чиглэлд 500 хүртэлх сая төгрөгийн хэрэглээний зээлийн 5 хувийг төрөөс, 3 хувийг банк чөлөөлөх асуудал тусгагдсан байна.

Дэлгэрэнгүй ...

Үдээс хойш Улсын их хурлын Аюулгүй байдал, гадаад бодлогын байнгын хороо Цар тахлаас урьдчилан сэргийлэх, тэмцэх тухай хуулийн төслийг хэлэлцлээ. Онцгой үед хөл хорио тогтоохоос эхлээд зарим эрх зүйн орчин учир дутагдалтай байгаа учраас энэ хуулийг санаачилсан. Ковид-19 тахал намжих хүртэл хүчин төгөлдөр байхаар зохицуулаад байна. Хуулиар удахгүй болох сонгуулийн үйл ажиллагааг хэрхэн зохион байгуулах, урьдчилан сэргийлэх бэлтгэлийн талаар гишүүд асуулаа.

Дэлгэрэнгүй ...

Улсын Их Хурлын тухай хуульд өөрчлөлт оруулахаар хэлэлцэж байна. Шинэ сонгогдсон гишүүд үүрэгт ажилдаа орохдоо тангараг өргөдөг. Тангаргийг цээжилсэн байхаас эхлээд илүү дэлгэрэнгүйгээр хуульд тусгаж байна. Мөн гишүүн өргөсөн тангаргаасаа няцаж, Үндсэн хууль зөрчсөн бол эргүүлэн татдаг байхаар зааж өгчээ. Хэлэлцүүлгийн шатанд байгаа хуулийн төсөл Үндсэн хуультай нийцэн өөрчлөгдөнө. Энэ хуулийг 2020 оны ээлжит сонгуулиар бүрдэх Улсын их хурал дагаж мөрдөх юм.

Дэлгэрэнгүй ...

Малчид ноолуураа ид самнаж байна. Дэлхийн ноолуурын 40 гаруй хувийг дангаараа хангадаг манай улс энэ жил нэмүү өртөг шингээж, бүтээгдэхүүн болгох зорилгыг өвөрлөж байгаа. Харин цар тахлын үед ноолуурын ханшийг унагаахгүйн тулд 300 тэрбум төгрөгийг зээлийг компаниудад олгосон. Энэ мөнгө ноолуурын ердөө 30 хувийг худалдан авах боломжийг бүрдүүлж байгаа юм. Үлдсэн 70 хувийг өндөр үнээр авахын тулд гадны хөрөнгө оруулагч хайх шаардлагатайг салбарын сайд хэллээ.

Дэлгэрэнгүй ...

Ирэх 6-р сарын 24-ний өдөр Улсын их хурлын ээлжит сонгууль болох гэж байна. Үндсэн хуульд сонгуулийн тухай хуулийг сонгууль болохоос нэг жилийн дотор өөрчлөлт оруулахыг хориглосон. Тэгэхээр хойшлох боломжгүй гэж үзэж байгаа юм. Тэгвэл цар тахлын үед сонгуулийг ямар байдлаар зохион байгуулах вэ гэдгийг олон нийт сонирхож байна. Дэлхийн зарим улс орон хөл хорионы үед сонгуулиа амжилттай явуулж дуусгалаа. Харин манай улсын Сонгуулийн ерөнхий хороо Эрүүл мэндийн яамнаас өгч байгаа заавар зөвлөмжийн дагуу зохион байгуулалтаа хийнэ. Хэсгийн хороод дээр урьдчилан сэргийлэх ажлын бэлтгэлийг базааж эхэлжээ.

Дэлгэрэнгүй ...

Үндсэн хуулийн цэц 1992 онд Үндсэн хууль хэрэгжиж эхэлснээс хойших шийдвэрийг хэлэлцэн дүгнэлт гаргадаг. Харин өнөөдөр зарим тогтоол шийдвэр 1991 онд гарсан хуулийн хүрээнд хийгдэж байгаа нь Үндсэн хууль зөрчиж байна гэсэн маргаан гарчээ. Цэц энэ маргааныг хэлэлцээд Үндсэн хууль зөрчсөн гэж үзжээ. Ийм маргаан гаргасан нь Эрдэнэт үйлдвэрийн санхүүгийн албанд тогтоосон онц дэглэмийг зогсоох гэсэн оролдлого гэж Засгийн газрын хэрэг эрхлэх газрын дарга Л.Оюун-Эрдэнэ хэллээ. Яагаад гэвэл онц дэглэм тогтоох ажил 1991 онд батлагдсан хуулийн хүрээнд хийгджээ.

Дэлгэрэнгүй ...

Төрийн аудитын тухай хуульд Улсын их хурал өөрчлөлт оруулж байна. Татвар төлөгчдийн хөрөнгийг төрийн байгууллага хэрхэн захиран зарцуулсан,  зөв оновчтой хуваарилалт хийсэн эсэхэд аудитын байгууллага хяналт тавих юм. Төрд учруулсан хохирлыг хэрхэн төлүүлөх вэ гэдгийг хуулийн өөрчлөлтөөр тодорхой зааж өгч байна. Мөн аудитын байцаагчийн эрх үүрэг, мэдээллийн нэгдсэн сан зэргийг байгуулахаар төлөвлөжээ.

Дэлгэрэнгүй ...

Төр нийгмийн нэрт зүтгэлтэн С.Зориг агсныг хөнөөсөн гэгдэх Б.Содномдаржаа, Т.Чимгээ нарыг эрүүдэн шүүх замаар ял хүлээлгэсэн асуудал олон нийтийг бухимдуулсан. Улмаар ТЕГ-ын дарга асан Б.Хурц тэргүүтэй хуулийн байгууллагын найман ажилтан эрүүдэн шүүсэн хэрэгт татагдаж холбогдох шүүх хуралдаан өнгөрсөн наймдугаар сард эхлэсэн.

Дэлгэрэнгүй ...

УИХ-ын аюулгүй байдал, гадаад бодлогын байнгын хороо цар тахлаас урьдчилан сэргийлэх, тэмцэх тухай хуулийн төслийг УИХ-аар хэлэлцэх нь зүйтэй гэж үзлээ. Хуулийн төслийг хэлэлцэх үеэр засгийн газар ковид-19 халдварын тархалтыг дотоодод хязгаарлан, шуурхай арга хэмжээ авч ажиллаж байгааг гишүүд онцолж байлаа. Тиймээс онцгой дэглэм тогтоосон өнөөгийн нөхцөлд засгийн газар нийгэм, эдийн засгийн арга хэмжээ авч тодорхой шийдвэр гарган журам батлах эрхтэй байх нь зүйтэй гэдгийг гишүүд хэллээ.

Дэлгэрэнгүй ...

Үндсэн хуулийн нэмэлт өөрчлөлтөөр засаг захиргаа нутаг дэвсгэрийн чиглэлээр дөрвөн томоохон өөрчлөлт орсныг органик хуульд тусгах шаардлага үүссэн. Тиймээс нэг бүхий гишүүд хуулийн төслийг санаачлахдаа аймаг, сум, баг, нийслэл дүүргийн чиг үүргийг тодорхой тусгаж орон нутагт санхүүжилт нэмэх зохицуулалтыг тусгасан байна. Үүнээс гадна ИТХ хариуцлагагүй ажиллавал тараахаас гадна төлөөлөгчдийг огцруулдаг байх хуулийн төсөл боловсруулсан байна.

Дэлгэрэнгүй ...

Ирэх сарын 25-ны өдрөөс хүчин төгөлдөр мөрдөж эхлэх Үндсэн хуулийн нэмэлт өөрчлөлтөөр УИХ-ын хариуцлага, үйл ажиллагааг сайжруулах хэд хэдэн заалт орсон. Улмаар УИХ-ын тухай хуульд нэмэлт өөрчлөлт оруулж гишүүнийг эгүүлэн татах заалтыг тодорхой тусгаж байна. Төрийн байгуулалтын байнгын хороо хуулийн төслийг хэлэлцэх үеэр сонгогчдын 10 хувь нь гарын үсэг зурж УИХ-ын гишүүнийг татах санал гаргавал эгүүлэн татах заалт тусгах саналыг зарим гишүүд гаргасан. Тэгвэл ийм жишиг дэлхийд байхгүйгээс гадна парламент дархлаагүй болох том эрсдэлтэй гэдийг хууль санаачлагчид хэллээ.

Дэлгэрэнгүй ...

Ирэх сарын 25 ны өдрөөс эхлэн үндсэн хуулийн нэмэлт өөрчлөлтийг улс орон даяар мөрдөж эхлэнэ. Үүнтэй холбоотой 10 гаруй хуульд өөрчлөлт оруулах юм. Тэгвэл өнөөдөр шүүхийн тухай хуулийн нэмэлт өөрчлөлтийг холбогдох байнгын хороо хэлэлцэн УИХ аар хэлэлцүүлэх нь зүйтэй гэж үзлээ. Гишүүдийн тухайд уг хууль хэрэгжиж эхлэснээр шүүгчид эрх мэдэлтнүүдээс хараат бусаар ажиллаж шийдвэр гаргаж чадах эсэхийг тодруулж байсан юм.

Дэлгэрэнгүй ...

УИХ-ын дарга Г.Занданшатар ХЭҮК-ын даргыг "Үүрэгт ажлаа өг" гэжээ. Тиймээс тэрээр өөрийн хүсэлтээр чөлөөлөгдөх өргөдлөө УИХ-ын даргад хүргүүллээ. Түүний асуудлыг 14:00 цагаас хуралдах Хууль зүйн байнгын хорооны хуралдаанаар хэлэлцэнэ.

Дэлгэрэнгүй ...

Улсын Их Хурал дахь Ардчилсан намын зөвлөл өнөөдөр дөрвөн асуудал хэлэлцсэн байна. Б.Пүрэвдорж нарын гишүүдийн өргөн барьсан нэмэгдсэн өртгийн албан татварыг таван хувь болгон бууруулах хуулийн төслийг бүрэн дэмжиж байгаагаа илэрхийллээ. Мөн Ардчилсан намын зөвлөл коронавирусийн эрсдэлийн үед авах арга хэмжээний талаар тогтоолын төсөл өргөн барьсан. Энэ асуудлыг яаралтай хэлэлцэж өгөхийг хүссэн байна.

Дэлгэрэнгүй ...

Хорих ангиудад коронавируст халдвар тархах өндөр эрсдэлтэй гэж мэргэжилтнүүд үзэж байгаа. Улмаар дэлхийн зарим улс орнууд вирусийн халдвар тархахаас сэргийлэн олон мянган хоригдлыг хугацаанаас нь өмнө суллах арга хэмжээ авч байгаа. Харин манай улсын тухайд уг асуудлыг судалж эхлэн хөнгөн ялтай хоригдлуудыг суллахаар төлөвлөсөн байна.

Дэлгэрэнгүй ...

Монгол Улсад коронавируст халдварын тархалт эрсдэл өндөр байгаатай холбогдуулан Улсын их хурлын нэр бүхий гишүүд засгийн газраас авч хэрэгжүүлж байгаа арга хэмжээний талаар асуулга тавьсан. Гишүүдийн дийлэнх нь гадны улсад ажиллаж амьдарч байгаа иргэдийг цаашид хэрхэх, чартер нислэг хэрхэн хийх эсэхийг тодруулсан юм. Мөн УИХ-аас цар тахлын эсрэг хуулийн төсөл боловсруулж ирэх долоо хоногт хэлэлцэхээр төлөвлөсөн. Тус хуульд амны хаалт зүүгээгүй иргэнийг торгох арга хэмжээ авах зохицуулалт тусгахаар төлөвлөсөн байна.

Дэлгэрэнгүй ...

УИХ ковид-19 халдварын эсрэг есөн төрлийн арга хэмжээг авахаар ажлын хэсэг байгуулан ажиллаж тодорхой шийдвэрүүд гаргаж эхэллээ. Тодруулбал, ипотекийн зээл хойшлуулах хугацааг 6 сараар сунгаж тахлын голомтод ажиллаж байгаа алба хаагчдад тусгай нөхцлөөр зээл олгоно гэлээ. Мөн ЖДҮ эрхлэгч, бичил бизнесийг дэмжих зээлд 1.2 их наяд төгрөгийн батлан даалт гаргахаар болсон байна. УИХ-аас авч хэрэгжүүлэх арга хэмжээнүүдийг үзэгч танд дэлгэрэнгүй танилцуулъя.

Дэлгэрэнгүй ...

Засгийн газраас Монгол Улсыг урт хугацаанд хөгжүүлэх бодлогын баримт бичгийг боловсруулан УИХ-д өргөн барьсан. Өнгөрсөн 30 жилийн алдаа дутагдлыг дүгнэн ирэх 30 жилийн хөгжлийг тодорхойлсон "Алсын хараа-2050" бодлогын баримт бичгийг хэлэлцэхийг УИХ-ын чуулганы өнөөдрийн хуралдаанаар дэмжлээ.

Дэлгэрэнгүй ...

УИХ-ын чуулганы дэгийн тухай хуульд нэмэлт өөрчлөлт оруулж онцгой нөхцөлд цахимаар хуралдах дэгийг нэмсэн юм. Ингэхдээ онц байдал, дайн болон дайн бүхий байдал, олон улсыг хамарсан хөл хориот өвчин гарсан тохиолдолд УИХ цахим хуралдаан явуулна гэж тусгасан.

Дэлгэрэнгүй ...