TV5 Mongolia
TV5 Mongolia
Хүүхдүүдийн дунд коронавируст халдвар их байгааг ХӨСҮТ-өөс мэдээлж байна. Ялангуяа вакцинд хамрагдаагүй насныхан халдварт ихээр өртөх болжээ. Өнөөдрийн байдлаар 1200 гаруй хүүхэд коронавируст халдварт өртөж эмнэлэгт хэвтэн эмчлүүлж байна. Хичээл эхэлж байгаатай холбогдуулан хүүхдүүдийг олон нийтийн газраар дагуулж явахгүй байхыг албаныхан санууллаа.
Тодруулбал, нийслэлд 538, орон нутагт 532 тохиолдол батлагдаж, таван хүн эндлээ.
Өнгөрсөн сарын сүүл энэ сарын эхээр коронавирусийн дөрөв дэх давлагаа буюу Омикрон хувилбарын оргил үе тохиож өдөрт 20 орчим мянган тохиолдол батлагдах тооцооллыг эрдэмтдийн зөвлөл танилцуулж байсан. Харин хоёрдугаар сар дундаа орсон энэ үед Омикрон хувилбарын тархалт буурч байгааг ХӨСҮТ-өөс мэдээллээ. PCR шинжилгээнд эерэг эзлэх хувь долоо хоногийн өмнө 30 хувьд хүрч байсан бол энэ тоо одоо 20 болж буурчээ.
Сүүлийн нэг хоногт шинээр батлагдсан 1,297 тохиолдлын 610 нь орон нутагт бүртгэгджээ. Зарим өдөр орон нутагт батлагдсан тохиолдлын тоо нийслэл хотоос давж байгаа юм. Өнөөдрийн байдлаар эмнэлэгт зургаан мянга гаруй хүн хэвтэн эмчлүүлж байна. Багагүй хувь нь орон нутагт харъяалагдаж байна.
