Ковид-19

Коронавируст халдварын дахин нэг тохиолдол бүртгэгдлээ. Батлагдсан тохиолдол нь 5-р сарын гурванд Франкфурт-Улаанбаатарын онгоцоор ирж тусгаарлагдсан иргэн байсан байна. Давтан шинжилгээгээр тухайн иргэнээс ковид-19 илэрлээ.

Франкфурт-Улаанбаатар чиглэлийн тусгай үүргийн онгоцоор ирж тусгаарлагдсан нэг иргэнээс коронавируст халдварын шинж тэмдэг өчигдөр илэрч, улмаар шинжилгээнд хамруулсан байна. Шинжилгээний хариу өнөөдөр гарч тухайн иргэнээс коронавируст халдвар илэрлээ. Ингэснээр батлагдсан тохиолдлын тоо манай улсад 42 боллоо. Харин Өмнөговь аймагт бүртгэгдсэн сэжигтэй тохиолдлын хариу сөрөг гарсан байна.  

БАТЛАГДСАН ТОХИОЛДОЛ 42 БОЛЛЛОО

Сэжигтэй хоёр тохиолдлоос гадна Улаанбаатар хот болон Дархан-Уул аймаг дахь лабораторид өчигдөр нийт 42 хүнийг шинжилгээнд хамруулжээ. Коронавируст халдвараас урьдчилан сэргийлэх үүднээс тандалтын зорилгоор аймаг орон нутаг болон дүүргүүдийн нэгдсэн эмнэлгээс сорьц зөөвөрлөн авчирч шинжилгээнд хамруулж байгаа. Энэ хүрээнд Өмнөговь аймаг болон Сүхбаатар аймгаас сорьц авчирч, шинжилгээнд хамруулсан байна.   

Коронавируст халдвартай холбоотой мэдээлэл өгөх зорилгоор 119 тусгай дугаарын утсыг ажлуулж байгаа. Энэ утсанд гадаад улсад ажиллаж амьдарч байгаа манай улсын иргэд ч холбогдон мэдээлэл авдаг. Тэгвэл мэдээллийн эх сурвалжийн нэмэгдүүлэх үүднээс ялангуяа гадаадад байгаа иргэддээ зөвлөгөө өгөх үүднээс апп гаргасан. Өчигдөр нийт хоёр улсаас манай улсын есөн иргэн холбогдсон байна. Ихэвчлэн шинж тэмдэг болон урьдчилан сэргийлэх арга хэмжээний талаар мэдээлэл авчээ. 

ФЭЙСБҮҮК ШУУД ҮЗЭХ