Үйл явдал

Италийн нийслэл Ром хотод эртний тоглоомын үзэсгэлэн нээгджээ. Үзэсгэлэнд аав ээж нарын, магадгүй бүр тэдний эмээ өвөө нар, элэнц хуланцуудын хүүхэд насандаа тоглож байсан тоглоом наадгайнуудыг дэлгэн тавьжээ. 

Ром хотын үзэсгэлэнд 19, 20-р зууны үеийн тоглоомууд, хүүхэлдэй, орд харш, цэрэг, хөлөг онгоц, машин гэхчлэн янз бүрийн тоглоомуудыг дэлгэн тавьсан байна. Эдгээр тоглоомнуудын дийлэнхийг Хойд Европ, Итали, мөн бусад улс оронд бүтээжээ. Нийтдээ Ром хотын Museo delle Mura музейд нээгдсэн үзэсгэлэнд 137 тоглоом дэлгэсний хамгийн эртнийх нь 1898 оны их буу байгаа бол мөн өнөөдөр хаанаас ч эрээд олохгүй тугалган цэргүүд, цэргийн хөлөг онгоцнууд байгаа юм. Үзэсгэлэн ирэх оны 3-р сар хүртэл ажиллах гэнэ.