Монголбанкны валютын албан ханш:      USD - ?     EUR - ?     GBP - ?     RUB - ?     CNY - ?     KRW - ?    

114 настай эрэгтэйн зөв хооллолтын нууц

  М.Даваадулам 2017-02-02 16762

Бернардо Ла Палло нь 1901 оны 8-р сарын 17-нд мэндэлжээ. Өдгөө 114 настай тэрээр ухаан саруул, эрүүл чийрэг нэгэн.

Тэрээр өөрийн эрүүл чийрэг байдлаа зөв зохистой хооллолттой холбож байна.

Бернардог үзсэн эмч нар түүний биеийн байдалд үнэхээр гайхширдаг. Яг л 70-80 настай хүнтэй адил гэж хэлдэг байна.

100 насны босго аль хэдийнэ давсан ч Бернардо тогтмол ном уншиж, ой тогтоолт сайжруулах дасгал хийдэг гэнэ.

Бернардо мах болон хагас боловсруулсан бүтээгдэхүүнээс татгалздаг. Хүнсэндээ жимс ногоо түлхүү хэрэглэдэг гэнэ. Мөн өглөө бүр кааш уудаг байна.


Хамгийн гол нь нас уртасгадаг дараах 5 хүнсийг тогтмол хэрэглэдэг гэнэ.

Зөгийн бал

Элсэн чихэрнээс татгалзсанаар та илүү урт насална. Элсэн чихрийг зөгийн балаар орлуулахыг Бернардо зөвлөж байна.

Сармис

Сармис нь хоол амтлахаас гадна бактери устгах үйлчилгээтэй. Түүнчлэн биеийн эсэргүүцэл нэмэгдүүлэх амин дэм ихээр агуулдаг.

Шоколад

Хүмүүс шоколаднаас аль болох татгалзахыг хичээх болсон. Энэ бол эндүүрэл гэж Бернардо хэлж байна. Шоколад идсэнээр сэтгэл санаа өргөж, зүрх судасны системийн үйл ажиллагааг тогтворжуулдаг. Энэ бүтээгдэхүүн нь какаогийн өндөр агууламжтай.

Шанцай

Шанцай нь хоол хүнсэнд агуулагдах “муу” холестерины хэмжээг бууруулж, чихрийн шижин өвчнөөс сэргийлнэ.

Оливын тос

Эртний Ромчууд оливын тосыг аз жаргал, залуу насны нууц жор гэж үздэг байжээ. Алттай адилтгадаг байсан оливын модтой орнууд баян, өндөр хөгжилтэйд тооцогддог байв. Харин өнөө цагт оливын тосыг дурын супермаркетаас худалдан авах боломжтой. Оливын тос бие организмд ашиг тустай, E аминдэм ихээр агуулдаг учраас залуужуулах үйлчилгээтэй.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө