Монголбанкны валютын албан ханш:      USD - ?     EUR - ?     GBP - ?     RUB - ?     CNY - ?     KRW - ?    

Толгойны өвчинг эмгүйгээр 5 минутад намдаах арга

  М.Даваадулам 2017-02-02 15446

Таны толгой өвдөж байна уу? Гар доор өвчин намдаах эм байхгүй байна уу? Тэгвэл асуудлыг хоромхон зуурт шийдэх “шидэт” зөвлөгөө хүргэж байна.

Цэгэн иллэг нь толгойны өвчинг 5 минутад намдаах болно. Ардын уламжлалт цэгэн иллэгийн үйлчилгээг шинжлэх ухааны аргаар баталсан байдаг.


Цэгээ хэрхэн зөв олж, иллэг хийх вэ?

Эхлээд өөрт эвтэйхэн байрлал аваад, биеэ суллаарай. Цэгэн массаж их хугацаа шаардахгүй. Дунджаар 30 секундээс 1 минут хангалттай.

Заасан цэгт зөөлөн дарах аль эсвэл тойрог хөдөлгөөнөөр иллэг хийнэ. Иллэг хийж байх зуур, эсвэл иллэг хийснээс 5-10 минутын дараа таны толгойны өвчин намдах болно.


Толгойны өвчин намдаах 6 үндсэн цэг бий


“Инь-Тан” цэг

“Инь-тан” буюу “гуравдагч нүд”-ний цэг нь зураг дээр заасанчлан хоёр хөмсөг дунд байрлана. Энэ цэгт иллэг хийснээр түүнчлэн нүдний алжаал ядаргааг тайлах давхар үйлчилгээтэй.


“Цуань-Жу” цэг

Хөмсөгний дотор захад харилцан тэгш хэмтэй байрлана. Тус цэгт иллэг хийснээр хамрын ханиадыг эмчилж, нүдний хараа сайжруулах давхар үр дүнтэй. 1 минутын турш тус цэгт хурууны өндгөөр зөөлөн дарна аль эсвэл тойрог хөдөлгөөнөөр иллэг хийнэ.


“Цюй-Ляо” цэг

Тус цэг нь нүднээс харалдаа доор хамар болон уруул хооронд байрлана. Тус цэгийг олохын тулд хацрын ясны доод хэсэг дэх хонхорхойгоор баримжаалаарай. Тус цэгт иллэг хийснээр хамрын битүү арилгаж, толгойн төдийгүй шүдний өвчнийг намдаана.


“Тянь-Жу” цэг

“Тянь-Жу” цэг нь толгойны ар хэсэгт чих болон нурууны нугасны эхлэл хооронд байрлана. Тус цэгт иллэг хийснээр толгойны өвчин намдаах төдийгүй хамар, нүд, чихний өвчинг багасгаж, ханиалга дарах гайхалтай үр дүнтэй.


“Той-Вэй” цэг

“Той-Вэй” цэг нь толгойны хоёр талд чихнээс дээшээ 2-3 см зайд байрлана. Хурууны өндгөөр тэмтрэхэд бага зэргийн хонхорхой мэдрэгдэнэ. Мэдрэлийн судас дагасан өвдөлт болон нүдний ядаргааг ч давхар тайлахад тустай.


“Хэ-Гү” цэг

Хоёр гарын эрхий болон долоовор хурууны хооронд “Хэ-Гү” цэг байрлана. Энэ цэгт иллэг хийснээр толгойн төдийгүй нуруу болон шүдний өвчнийг намдаана. Мөн хүзүүний булчинг ч суллах ач холбогдолтой.

 Эх сурвалж: springer

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө