Үйл явдал

БНХАУ-ын тусгай засаг захиргааны бүс Макао дахь ковид-19 халдварын тохиолдлууд эдгэрч ямар ч өвчлөлгүй болсноо мэдэгджээ. Хамгийн сүүлд эмнэлгээс гарсан өвчтөн 56 хоног эмчлүүлж эдгэрсэн байна. Макао засаг захиргааны бүсэд нийтдээ 45 ковид-19 халдварын тохиолдол бүртгэгдсэн юм.

Хамгийн анхны халдварын тохиолдол нь 1-р сарын 22-нд бүртгэгдэж байсан. Өчигдөр эмчлэгдэж гарсан өвчтөн нь 15 настай Их Британид сурдаг байсан сурагч юм байна. Ингэснээр ямар ч нас баралтгүй, өвчилсөн 45 иргэн бүгд эдгэрлээ. 

Макаогийн засаг захиргаанаас хилийн хөл хорио болон өмнө мөрдөгдөж байсан урьдчилан сэргийлэх дүрмүүдийг цуцлахгүй гэдгээ мэдэгджээ. Макао дэлхийд цөөн байгаа хамгийн бага халдварын тохиолдол бүртгэгдэж эдгэрсэн газруудын нэг болж байна. 

Макао засаг захиргааны бүс нь Хонконгтой далайн эргээр холбогддог аялал жуулчлал, казиногоор алдартай газар юм. Мөрийтэй тоглоом энэ газрын эдийн засгийн ихэнх хувийг бүрдүүлдэгээс гадна орлогоороо Лос Анжелесийг давж байсан удаатай. Цаашдаа хөл хориог ямар шат дараалалтайгаар багасгахыг одоогоор хэлэлцэж байна. Баталгаагүй эх сурвалжийн мэдээлснээр зарим усан сан, спорт талбай гэх мэт олон нийтийн газруудыг эргэн нээж магадгүй юм. Гэхдээ зөвхөн цөөн хүн бэлтгэл хийх журмаар явагдана. Ямартай ч олныг хамарсан уулзалт, тэмцээн зохион байгуулах нь хориотой хэвээр байх юм.