Монголбанкны валютын албан ханш:      USD - ?     EUR - ?     GBP - ?     RUB - ?     CNY - ?     KRW - ?    

Соёлжъё: ЭМЭГТЭЙ ХҮНИЙГ ХҮНДЛЭХ СОЁЛД СУРАЛЦЪЯ ЗАЛУУСАА

  TV5 News 2018-08-20 16510

БЭЛТГЭСЭН: М.УЯНГА

Хүн эхийнхээ хэвлийд бий болсон цагаасаа ээжийгээ хайрлаж, энхрийлэн эмэгтэй хүний утга учир юу болохыг мэддэг гэдэг. Эмэгтэй хүн эмзэг бас маш олон гайхалтай зүйлсийн мөн чанар байдаг учир өөрийн ээж, эгч, охин дүү шигээ  бусад эмэгтэйчүүдийг хайрлаж, хүндэтгэж, байхыг эрэгтэй хүн бүрд багаас нь хэлж, зааж, сургадаг. Гэвч хаанаас төрснөө мартчихсан, бүдүүлэг, зэрлэг, балмад авирладаг эрчүүд олон гэхэд хэлсдэхгүй. Эмэгтэй хүнийг гомдоох,  биед нь гар хүрэх цаашлаад аймшигт гэмт хэргүүд үйлдэгсэд ч байна. Эдгээр хүмүүс бол ухамсрын доройтол, тархи мэдрэлийн хувьд эрүүл бус байж болох юм.

Харин эрүүл саруул залуус нь энгийн үйлдэлд эмэгтэй хүнийг хүндэлдэг соёлтой болмоор байна! Олон нийтийн газар нимгэн хувцастай явж байхад нь хоргоох, эвгүй байдалд оруулах, элдвээр дуудах, ус цацах, өдөж хоргоох, эмэгтэй хүнийг өөрөөсөө дорд үзэх гэх мэт олон асуудал хаа сайгүй зарим залуус одоо ч гаргасаар байх юм. 

Эдгээр үйлдлүүдийг гаргадаггүй юмаа гэхэд эхлээд эмэгтэй хүнтэй мэндэлж сурах, зам тавьж өгөх, хаалга түрүүлж онгойлгох  гээд олон энгийн хүндлэл, соёлд залуучууд нийтээрээ суралцахыг уриалъя. Улс орны хөгжил, цэцэглэлтэд иргэдийн хоорондын харилцаа, хүндлэл, хувийн соёл маш их хамааралтай байдаг гэдгийг олон өндөр хөгжилтэй орны залуусаас харж болно. Соёлтой хотын, боловсон залуус байцгаая!        

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө