Боловсрол
Хүүхэд багачууд дэлгэцийн хамааралтай болж байгаа нь теле хичээлтэй холбоотой байгаа талаар иргэд маш их гомдол гаргажээ. Бараг сургууль бүр өөрийн гэсэн фэйсбүүк хуудсаар болон сошиал ашиглан хичээлээ ордог. Дээр нь хүүхдүүдийг заавал теле хичээл үзэхийг шаарддаг. Ингээд хоёр өөр байдлаар заасан нэг хичээл үзэж өдөржин дэлгэцнээс салахгүй байгаа нь эцэг эхчүүдийн санааг зовоож эхэлжээ. Энэ талаар Боловсролын яамнаас тодрууллаа.
Бага ангийн сурагчид долоо хоногт 12 цаг теле үздэг. Мөн хоёр удаа онлайн хичээлд хамрагддаг. Үзсэн хичээлийнхээ тэмдэглэгээг ч багшдаа шалгуулдаг. Ихэнх хугацааг дэлгэцийн ард өнгөрүүлж байгаа учраас эцэг эхчүүд хоёрдугаар улирлын амралтыг эхлүүлэх хүсэлттэй байгаагаа илэрхийлсэн. Тэгвэл салбарын сайдын тушаал гарч, өнөөдрөөс амралт эхэллээ. Амралттай байх хугацаанд хүүхдийн дархлааг дэмжих, дэлгэцээс хол байлгах хэрэгтэй гэсэн юм.